Yfirvöld í Hong Kong eru búin að handtaka þrettán vegna eldsvoða í átta fjölbýlishúsum í síðustu viku. Nokkrir verktakar voru handteknir fljótlega eftir brunann og hefur bæst í hóp þeirra. Lögregla tilkynnti um þetta í dag.
Rannsókn lögreglu hefur leitt í ljós að hluti öryggisneta- og búnaðar um byggingapalla við húsin var ekki eldvarinn. Það er talið geta hafa átt þátt í því að eldurinn kviknaði og breiddist hratt út.
Fram kom á föstudag að brunavarnakerfi virkuðu ekki. Því fengu margir íbúar enga viðvörun um eldinn.
151 fórust í eldsvoðanum.
Heimild: Ruv.is
