Laki fasteignir ehf., félag í eigu Ágústs Guðmundssonar, keypti skrifstofuhluta fasteignarinnar að Rauðarárstíg 10.
Ríkið hefur lauk nýlega sölu á Laugavegsreitnum svokallaða, líkt og fjallað er um í Viðskiptablaði vikunnar.
Ríkiskaup, sem eru í dag hluti af Fjársýslu ríkisins, auglýsti fasteignir að Laugavegi 114, 116 og 118b auk Rauðarárstígs 10, samtals um 8.200 fermetrar, árið 2021.
Myndlistaskólinn í Reykjavík, sem var áður til húsa í JL-húsinu, keypti Rauðarárstíg 10 (sama hús og Laugavegur 118b) sumarið 2024 fyrir 956 milljónir króna af ríkissjóði.
Um er að ræða tvær eignir, atvinnu- og skrifstofuhúsnæði, sem samtals eru 3.983 fermetrar að stærð. Starfsemi Geislavarna ríkisins er á fjórðu hæð hússins og er unnið að því að finna annað húsnæði undir stofnunina til framtíðar.
Laki fasteignir ehf., félag í eigu Ágústs Guðmundssonar, annars stofnenda Bakkavarar, keypti skrifstofuhluta fasteignarinnar að Rauðarárstíg 10, sem er um 1.418 fermetrar, fyrir 335 milljónir króna af Myndlistaskólanum og var eignin afhent í febrúar síðastliðnum.
Önnur hæð skrifstofuhúsnæðisins var nýlega auglýst til leigu og tekið er fram í auglýsingunni að verið sé að endurgera rýmið alveg frá grunni.
© Aðsend mynd
Art Zone ehf., félag í eigu Gabríels Þórs Bjarnasonar, keypti fasteignir að Laugavegi 114 og 116 á horni Laugavegar og Snorrabrautar, sem hýsti áður Tryggingastofnun ríkisins (TR), af ríkissjóði í ár.
Heimild: Vb.is
