Unnið er við tengingar Suðuræða og áætlað er að allri vinnu við þær ljúki í kringum miðnætti. Þá verður heitu vatni hleypt rólega inn á flutningslögnina og hún fyllt áður en opnað er inn á hverfin.
Í nýrri uppfærslu á vef Veitna kemur fram að gera megi ráð fyrir að heita vatnið byrji að renna hægt og bítandi inn í öll hverfi á sama tíma en að það taki nokkrar klukkustundir að ná upp þrýstingi á viðamikið lagnakerfið heim til íbúa.
„Hverfin koma því öll inn á svipuðum tíma, en þau sem búa neðar í hlíðum koma til með að fá þrýsting hjá sér fyrr en þau sem ofar búa. Þar stjórnar landslagið ferðinni,“ segir á vef Veitna.
Áætlað er að snemma í fyrramálið verði vatnið byrjað að renna inni í hverfunum og gangi áætlanir áfram eftir ættu flestir að vera komnir með fullan þrýsting um hádegi á morgun.
Rún Ingvarsdóttir, samskiptastjóri Veitna, ítrekar að fullur þrýstingur ætti að vera kominn á heita vatnið hjá flestum um hádegið.
Bent er á á heimasíðu Veitna að breytist áætlanir verður gert grein fyrir því þar um leið og það er ljóst.
Heimild: Visir.is
