Slökkviliðið á höfuðborgarsvæðinu var kallað út á þriðja tímanum í nótt eftir að einhverskonar sprenging eða sprengingar urðu í iðnaðarhúsnæði í Helluhverfi í Hafnarfirði.
Eldur blossaði upp í kjölfarið. Varðstjóri hjá Slökkviliði höfuðborgarsvæðisins segir að betur hafi farið en á horfði í fyrstu en allt tiltækt lið var kallað út til að byrja með.
Menn sem voru staddir í húsnæðinu þegar sprengingin varð náðu að hemja eldinn með handslökkitækjum og segir varðstjóri að því hafi verið lítill eldur í húsinu þegar þegar fyrsti slökkviliðsbíllinn kom á vettvang.
Engan sakaði heldur í sprengingunni og hafði varðstjóri ekki nánari upplýsingar um hverskyns sprengingu var að ræða.
Heimild: Visir.is
