27.03.2024 Nýr Landspítali við Hringbraut. Meðferðarkjarni – Þakvirki

Nýr Landspítali ohf. (NLSH) óskar eftir tilboði í þessu almenna útboði fyrir útboðsverkið: Nýr Landspítali við Hringbraut. Meðferðarkjarni – Þakvirki 

<>

Verkefni þetta nær til fullnaðarfrágangs á ytra byrði meðferðarkjarna (MFK). Útveggjakerfi og glerþök yfir inngörðum eru ekki hluti þessa útboðs.

Þeir verkþættir sem taldir eru upp í yfirliti yfir verkefnið eru stærstu verkþættir verkefnisins en ekki fullnaðarupptalning. Bjóðandi skal yfirfara teikningar, verklýsingar og tilboðsskrá.

Helstu verkþættir verkefnisins eru:

Frágangur utanhúss:

• Múrverk
• Þakfrágangur
• Járn og blikksmíði

Frágangur á yfirboði ljósgarða:

• Lögn blandaðrar hellulagnar
• Ræktunarsvæði og þökulögn

Lagnir og loftræsting:

• Þakniðurföll og allar regnvatnslagnir innanhúss
• Útloftun frárennslis á þökum
• Vatnskranar utanhúss
• Snjóbræðslulagnir
• Loftræsihattar og þakstólar

Raflagnir:

• Lágspennulagnir þ.e. eldingavarnarkerfi sem saman stendur af eldingaspjótum, lagnaleiðir, pípu- og strengjalagnir, ídráttur, tenging á vír. Um er að ræða spjót og lagnir á þaki ásamt niðurleiðurum í pípum (aðrir með pípuna) sem skulu leggjast niður veggi MFK en fyrir innan fyrirhugaða útveggjaklæðningu. Niðurleiðarar skulu tengjast við jarðskautskerfi sem er í jörð
• Lágspennulagnir þ.e. jarðbindingar, lagnaleiðir, pípu- og strengjalagnir, ídráttur, tenging á vír ásamt uppsetningu og frágangi á tengistöðum
• Lýsingarbúnaður

Bent er á að verkið er unnið í mikilli nálægð við sjúkrahús sem er í fullum rekstri allan verktímann, Læknagarð Háskóla Íslands og íbúðabyggð og skal verktaki taka fullt tillit til þess eins og víða er getið í verklýsingu.

Heimild: NLSH ohf.