F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Húsaskóli – Sparkvöllur/Boltagerði – Átaksverkefni 2023, útboð nr. 15886
Lauslegt yfirlit yfir verkið:
Verkið snýr að gerð sparkvallar/boltagerðis á lóð Húsaskóla að Dalhúsum 41, 112 Reykjavík. Um er að ræða endurgerð á stærstum hluta núverandi sparkvalla á norð-austurhluta skólalóðar en það svæði er alls u.þ.b 1.015 m² að stærð. Aðgengi fyrir alla, ný yfirborðsefni á sparkvöll, nýjar grindur, ný mörk og bætt lýsing. Helstu verkliðir eru jarðvinna, landmótun, hellulögn, frágangur á gervigrasi og almennur frágangur kringum sparkvöll, grindur og staura.
Framkvæmdatími – verklok
Framkvæmdum skal vera að fullu lokið eigi síðar en 31. október 2023. Verkinu telst ekki lokið af hálfu verktaka fyrr en hann hefur staðið að fullu við skuldbindingar sínar samkvæmt útboðsgögnum. Þá skal aðstaða verktaka hafa verið fjarlægð og vinnusvæðið hreinsað að fullu.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 15:00 þann 18. júlí 2023. Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: kl. 10:00 þann 3. ágúst 2023.
