F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Stekkjarbaki 5. Gatnagerð og lagnir, útboð nr. 15848
Lauslegt yfirlit yfir verkið:
Verkið felur í sér gatnagerð á tengingu Stekkjarbakka við lóðina Stekkjarbakka 5. Um er að ræða alla jarðvinnu svo sem uppúrtekt og fyllingar fyrir veg. Einnig skal leggja ofanvatnsræsi undir tenginguna.
Vinna fyrir Veitur felst í lagningu fráveitu, vatnsveitu, hitaveitu og raflagna. Fráveita: Leggja skal heimlögn frá núverandi stofni í Elliðaárdal og inn á lóðina.
Vatnsveita: Leggja skal heimlögn inná lóðina sem tengist núverandi lögn norðan Stekkjarbakka.
Hitaveita: Leggja skal tvöfalda heimlögn inná lóðina sem tengist núverandi lögnum við dæluhús Veitna sunnan Stekkjarbakka.
Þvera þarf Stekkjarbakka og göngustíg meðfram honum.
Helstu magntölur:
• Gröftur og uppúrtekt 800 m3
• Fyllingar 500 m3
• Malbikun 1050 m2
• Fráveita 57 m
• Hitaveita 190 m
• Vatnsveita 60 m
• Raflagnir 120 m
Verklok 1. nóvember 2023
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 15:30 þann 9. júní 2023. Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: kl. 10:00 þann 22. júní 2023.
