Vegagerðin óskaði eftir tilboði í könnun á matsskyldu ásamt for- og verkhönnun fyrir nýframkvæmd Norðausturvegar (85) um Brekknaheiði, frá Langanesvegi að Vatnadal. Kaflinn er um 8 km langur og nær frá tengingu við Langanesveg sunnan Þórshafnar að núverandi slitlagsenda í Vatnadal.
Val bjóðanda fór fram á grundvelli hæfnismats og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfni bjóðanda og verðtilboð.
Eftir lok tilboðsfrests, þriðjudaginn 23. ágúst 2022, var bjóðendum tilkynnt um nöfn þátttakenda í útboðinu. Þriðjudaginn 1. september 2022 voru verðtilboð bjóðenda sem uppfylltu hæfisskilyrði útboðsins og stóðust hæfnimat opnuð.
