Á fimmtudag 26. ágúst voru opnuð tilboð í byggingu knatthúss Hauka að Ásvöllum í Hafnarfirði. Tilboðin voru opnuð kl. 14 í húsnæði umhverfis- og skipulagssviðs Hafnarfjarðarbæjar að Norðurhellu 2.
Um miðjan júní óskaði Hafnarfjarðarbær eftir tilboðum verktaka í 1. áfanga knatthúss Hauka sem felur í sér að byggja að Ásvöllum 1 fullbúinn knattsal með tæknirýmum, uppsteyptri þjónustubyggingu og lóðafrágangi. Stært knattsalar er 10.284 m² með fullbúnum knattspyrnuvelli í keppnisstærð ásamt hliðarsvæðum, 33 m² inntaksrými og uppsteypt 873 m²þjónustubygging.
Eftirfarandi tilboð bárust:
- Íslenskir aðalverktakar hf. 3.399.107.883.-
- Stálgrindarhús ehf. í samstarfi við SG BYGG 3.437.525.677.-
- GG Verk ehf. 3.889.484.141.-
- Flotgólf ehf. 4.704.220.717.-
- K16 ehf. 3.780.721.218.-
Kostnaðaráætlun hljóðaði upp á kr. 3.091.222.162.- Fundarmenn voru inntir eftir fyrirvörum eða athugasemdum við útboðsgögn. Engar athugasemdir bárust.
Framkvæmdanefnd um knatthús á Ásvöllum mun funda í næstu viku þar sem tekin verður afstaða til tilboðanna.
