Skólastarf í Stekkjaskóla á Selfossi hefst í frístundaheimili við Vallaskóla á haustdögum.
Skólastjórnendur beggja skóla og stjórnendur frístundar hafa undanfarna daga skipulagt kennsluna en tafir hafa orðið við framkvæmdir við húsnæði og lóð Stekkjaskóla.
Stjórnendur skólans funduðu með starfsfólki í morgun um fyrirkomulag kennslunar fyrstu vikurnar, að því er fram kemur á vef sveitarfélagsins Árborgar.
Skipulagið verður fullmótað nú í ágúst en foreldrum verður fljótlega boðið til samráðsfundar með umsjónarkennurum og skólastjórnendum.
Stekkjaskóli er nýr skóli í bæjarfélaginu en nokkur styr hefur staðið um hann, til að mynda varðandi flutning barna úr Sunnulækjarskóla þangað.
Skólasetning verður 24. ágúst en um 120 nemendur í 1. til 4. bekk hefja nám við skólann í haust.
Heimild: Ruv.is
