F.h. Félagsbústaða er óskað eftir tilboðum í verkið:
Hagasel 23, útboð nr. 14994
Lauslegt yfirlit yfir verkið:
Um er að ræða byggingu tveggja hæða fjölbýlishúss að Hagaseli 23 í Reykjavík ásamt frágangi á lóð. Sökklar og neðsta gólfplata eru staðsteypt ásamt hjólageymslu, stigahúsi og svalagangi.
Burðarvirki húss ásamt gólfplötu annarrar hæðar er úr CLT timbureiningum. Burðarvirki þaks er úr timbursperrum, einangrað milli sperra og klætt þakpappa á borðaklæðningu. Timburhluti húss er einangraður að utan og klæddur viðarklæðningu.
Staðsteyptur hluti húss er óklæddur að utan en einangrað er að innan og múrhúðað. Ganga skal frá bílastæðum, gönguleiðum, grasflöt og gróðurbeðum á lóð ásamt því að koma fyrir sorpgerði og rafhleðslustöð.
Vakin er sérstök athygli á því að verkkaupi hyggst fá umhverfisvottun Svansins á nýbygginguna en slíkt vottunarferli tekur til margra þátta verktaka á byggingarstað.
Útboðsgögn verða aðgengileg á útboðsvef Reykjavíkurborgar frá kl. 15:00 þann 2. desember 2020, á vefslóðinni: http://utbod.reykjavik.is Nýskráning fyrirtækja hefst með því að smella “Nýskráning“.
Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 21. desember 2020.
