Miklar framkvæmdir standa yfir á reitnum þar sem gamla Sjafnarhúsið á Akureyri stendur en þar mun verslunarkjarninn Norðurtorg rísa í sumar.
Eins og Vikublaðið greindi frá í sumar hefur félagið Norðurtorg ehf. keypt húsnæðið og óskaði eftir heimild til að byggja við húsið og fara í jarðvegsskipti vegna fyrirhugaðra bílastæða.
Rúmfatalagerinn er ein af þeim verslunum sem mun færast í verslunarkjarnann en samkvæmt upplýsingum Vikublaðsins eru viðræður í gangi við aðrar verslanir. Norðurtorg verður í anda Korputorgs í Reykjavík þar sem margar verslanir verða í einu og sama húsinu.
Heimild: Vikubladid.is
