Opnuð hafa verið tilboð í byggingarstjórn og verkeftirlit vegna stækkunar og breytinga á leikskólanum Álfheimum á Selfossi.
Sveitarfélagið Árborg auglýsti eftir tilboðum og bárust tvö, frá verkfræðistofunum Mannviti og Verkís.
Mannvit átti lægra tilboðið, 14,5 milljónir króna, en tilboð Verkís hljóðaði upp á tæpar 17,8 milljónir króna.
Fyrirhugað er að byggja tvær viðbyggingar á einni hæð við leikskólann, byggja hjóla- og sorpgeymslu, gera breytingar á núverandi húsnæði auk þess að stækka og breyta lóð leikskólans.
Framkvæmdatími er fyrirhugaður frá september 2018 til júlí 2020.
Heimild: Sunnlenska.is
