Frá því síðla vetrar hefur Jón Friðrik Matthíasson á Eyrarbakka verið með teiknistofu sína, M2 Teiknistofa, til húsa í veststurenda á annari hæð í Félagsheimilinu Stað á Eyrarbakka.
Nú á dögunum var gengið formlaga frá leigusamningi.
M2 Teiknistofa var stofnuð af Jóni Friðriki Matthíassyni byggingafræðingi árið 2006. M2 tekur að sér alhliða hönnunar- og ráðgjafarþjónustu fyrir einstaklinga, fyrirtæki og opinbera aðila. Lögð er áhersla á hagkvæmni, útlit og nytsemi hönnunar.
Jón Friðrik hefur BSc gráðu í byggingafræði (Construction Architect) frá Vitus Bering háskólanum í Danmörku og meistarabréf í blikksmíði. Hann hefur áratuga reynslu af byggingariðnaði sem iðnaðarmaður, sölumaður á byggingavörum og mannvirkjahönnuður.
Heimild: Sunnlenska.is
