F.h. Umhverfis- og skipulagssviðs Reykjavíkurborgar og Vegargerðarinnar er óskað eftir tilboðum í eftirfarandi verk:
Breiðholtsbraut við Norðurfell. Göngubrú og stígar – Útboð nr. 13973.
Um er að ræða gerð göngubrúar yfir Breiðholtsbraut norðan gatnamóta við Norðurfell ásamt tengingum við stígakerfi borgarinnar. Brúin er eftirspennt bitabrú í fjórum höfum, heildarlengd um 95 m að meðtöldum útkröguðum brúarendum, heildarbreidd 3,36 m. Gerð göngustígs meðfram Suðurfelli frá Yrsufelli að Norðurfelli auk tengistígar ofan Arnarbakka. Grenndarstöð við Seljabraut færð og endurnýjuð ásamt göngustíg að grenndarstöð. Gerð áningarstaðar við stígamót við Norðurfell. Götulýsingu við stíga og frágangur/ræktun á framkvæmdasvæði.
Helstu magntölur eru:
• Uppúrtekt: 2300 m3
• Fylling: 2000 m3
• Jarðstrengir: 220 m
• Ljósastólpar: 11 stk.
• Mulningur: 1700 m2
• Malbik: 1700 m2
• Hellulögn: 300 m2
• Kantsteinar: 230 m
• Þökulögn: 3300 m2
• Gróðursetning: 45 Stk.
• Steypumót: 580 m2
• Slakbending: 27 tonn
• Eftirspennt járnalögn: 4 tonn
• Uppspenna og grautun: 3 stk.
• Steypa: 180 m3
• Vatnsvörn: 160 m2
• Stálvirki, ryðfrítt stál: 3,6 tonn
• Handrið á brú: 190 m
• Innsteypt ljós í brú: 21 stk.
• Rafstrengur í brú: 100 m
Skiladagur verksins er 1. nóvember 2017 fyrir utan frágang og ræktun sem skal lokið eigi síðar en 1. júní 2018.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – Frá þriðjudeginum 11. apríl 2017.
Finna má leiðbeiningu um nýskráningu fyrirtækja á vefslóðinni http://reykjavik.is/utbodsauglysingar – Nýskráning fyrirtækja hefst með því að smella á „New supplier registration“ og fylgja leiðbeiningum á skjá.
Vakin er athygi á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00 þann 3. maí 2017.
