Kennslustofum hefur nú verið komið fyrir í nýja skólaþorpinu við Laugardalsvöll. Eins og sjá má á myndunum er hér um einingahús að ræða.
Skólaþorpið stendur á horni Reykjavegar og Engjateigs í Laugardal, þar sem áður var bílastæði fyrir þjóðarleikvanginn.
Nemendur í Laugarnesskóla, Laugalækjarskóla og Langholtsskóla munu sitja kennslustofurnar vegna mygluvandamála í skólunum þremur.
Skólaþorpið er hugsað sem tímabundið úrræði fyrir nemendur skólanna á meðan verið er að greiða úr þeim vandamálum.
Fyrstu kennslustofurnar eiga að vera tilbúnar til notkunar í haust.
Heimild: Mbl.is
