„Þessar tillögur leysa ekki málið og næstu árin verða húsin áfram byggð með fúski. Með þessu er verið að þyrla upp ryki og skapa óvissu inn á byggingarmarkaðinn sem er akkúrat það sem hann þarf ekki á að halda,“ segir Böðvar Ingi Guðbjartsson, formaður Félags pípulagningameistara, um vegvísi HMS.
Hann segir að hér sé stöðugt verið að flytja inn vinnuafl í húsbyggingar sem hefur ekki verkþekkingu, og þar liggi vandinn.
„HMS hefur ekki sinnt sínu lögboðna eftirliti og getur ekki varpað sökinni á aðra. Stofnunin á að vera fyrir löngu búin að stíga inn og kalla þá verktaka að borðinu sem skila frá sér verkum sem eru í ólagi.“
Heimild: Mbl.is
