Framkvæmdir við stækkun Grensásdeildar ganga vel og samkvæmt áætlun. Steypuvinnu á botnplötu annarrar hæðar er lokið og vinna við burðarvirki stendur yfir af krafti.
Undirbúningur fyrir ytra byrði er hafinn þar sem styttist í að uppsteypu ljúki. Innan dyra er verið að leggja fráveitu-, raf- og loftræsilagnir og hafin er vinna í kjallara bæði nýju og eldri bygginga. Góð samvinna við starfsfólk Grensás tryggir örugga og hnitmiðaða framkvæmd.
„Verkið gengur áfram án teljandi tafa og stefnt er að verklokum haustið 2026,“ segir Kristinn Jakobsson verkefnastjóri hjá NLSH.
Heimild: NLSH.is
