Framkvæmdir við nýjan Landspítala ganga vel. Bílastæða- og tæknihús verður klárt um páskana. Heildarkostnaður við verkefnið nemur um 200 milljörðum.
Nýr Landspítali rís hratt og framkvæmdir á árinu snúa að mestu að frágangi innanhúss. Nýr spítali kostar um tvö hundruð milljarða króna.
Búið er að setja upp útveggi á meðferðarkjarnanum og undirbúningur er hafinn við innivinnu á legudeildunum, sem verða á fimmtu og sjöttu hæð.
Bílastæða-og tæknihús verður klárt um páskana.
RÚV
Meðferðarkjarninn er um 70 þúsund fermetrar og er eitt stærsta hús á Íslandi. Gunnar Svavarsson, framkvæmdastjóri Nýs Landspítala, segir húsið vera átta hæðir.
„Það eru tveir kjallarar þannig að húsið er sex hæðir hér á Burknagötunni. En fimm hæðir ofan götu við Hrafnsgötuna. Og tvær efstu hæðirnar, sem eru á fjórum stöngum af fimm eins og sjá má á byggingunni, þær eru með legudeildarrými, þar eru einstaklingsherbergi, 200 talsins.“
Kastljós / RÚV
Stefnt er að því að taka meðferðarkjarnann í notkun 2029
Gunnar segir ráðgert að skila meðferðarkjarnanum 2028 en að þá eigi eftir að koma upp tækjum og búnaði.
„Ég er að vonast til þess að starfsemin verði komin í gagnið 2029.“
Framkvæmdin er sú dýrasta á Íslandi til þessa. Uppfærð heildaráætlun kostnaðar var gefin út í fyrra og þar kom fram að uppbyggingin standist kostnaðaráætlanir, með 0,6% frávikum.
Nýr Landspítali / Nordic Office
Á árunum 2024 til 2030 er gert ráð fyrir að kostnaðurinn sé um 120 milljarðar. Heildarkostnaður er þó mun hærri.
Gunnar segir að vinna sé hafin við uppbyggingu endurhæfingardeildarinnar á Grensás og við tíu þúsund fermetra hús á Akureyri. Hann segir að heildarkostnaður sé á annað hundrað milljarða.
Heimild: Ruv.is
