Konu á áttræðisaldri og karls á fimmtugsaldri er saknað eftir að hús hrundi í borginni Cieszyn í Póllandi í gærmorgun. Þrír eru slasaðir.
Eldur kviknaði í íbúðarhúsi í borginni Cieszyn í Slesíuhéraði Póllands um klukkan fjögur í fyrrinótt að staðartíma og skömmu síðar hrundi hluti þess. Tvær íbúðir í húsinu skemmdust. 17 íbúum samliggjandi húsa var komið til bjargar.
Tveimur af þeim þremur sem slösuðust var ekið á sjúkrahús en búið er að útskrifa báða þaðan. Einn hlaut minniháttar áverka og var hlúð að honum á staðnum. Karlmanns á fimmtugsaldri sem bjó á þriðju hæð hússins er saknað, sem og konu á áttræðisaldri sem bjó á annarri hæð.
Heimild: Ruv.is
