Þjóðkirkjan hefur selt biskupsgarð á Skólavörðuholti í Reykjavík fyrir 360 milljónir króna. Húseignin að Bergstaðastræti 75 er samtals tæpir 490 fermetrar og var byggð fyrir tæpri öld.
Framkvæmdanefnd Kirkjuþings lagði fyrir þingið í fyrra að húsið yrði selt við biskupsskipti og að söluandvirði þess yrði grunnur að varasjóði kirkjunnar.
Húsið hefur síðustu áratugi verið heimili fimm biskupa á meðan þeir hafa gegnt æðstu stöðu þjóðkirkjunnar. Húsið var auglýst til sölu í byrjun ágúst og skrifað var undir kaupsamning í síðustu viku. Samkvæmt upplýsingum frá biskupsstofu mun fjölskylda flytja í húsið.
Heimild: Ruv.is
