Vörubíll valt út af þjóðveginum við Gatnabrún vestan við Vík í Mýrdal í rétt fyir klukkan sex í gærkvöldi. Að sögn lögreglunnar á Suðurlandi slasaðist ökumaðurinn ekki en bíllinn er mikið skemmdur.
Búið er að flytja ökumanninn í sjúkrabíl til frekari skoðunar en hann gat staðið upp eftir slysið. Lögregla segir að í raun hafi þótt ótrúlegt hve lítið slasaður hann var miðað við ástandið á bílnum.
Tildrög eru óljós en lögregla er á vettvangi og rannsakar málið.
Ekki þurfti að loka fyrir umferð þar sem hægt var að leiða hana fram hjá slysinu.
Heimild: Ruv.is
