Birkir Hrafn Jóakimsson hefur verið ráðinn framkvæmdarstjóri Malbikunarstöðvarinnar Höfða. Hann hefur störf í desember næstkomandi.
Í tilkynningu frá Reykjavíkurborg segir að Birkir Hrafn komi til Höfða frá Vegagerðinni.
„Þar hefur hann gegnt stöðu forstöðumanns stoðdeildar mannvirkjasviðs og borið ábyrgð á rannsóknum, útboðum og leiðbeiningum til starfsmanna og verktaka.
Birkir Hrafn starfaði áður hjá verkfræðistofunni Verkís. Hann er með M.Sc. próf í byggingarverkfræði frá Háskóla Íslands.“
Malbikunarstöðin Höfði hf. er í eigu Reykjarvíkurborgar og Aflvaka hf. Fyrirtækið var stofnað 1996 þegar að Malbikunarstöð Reykjavíkurborgar og Grjótnám Reykjavíkurborgar var sameinað.
Heimild: Visir.is
