Neysluvatnslögnin til Vestmannaeyja er stórskemmd eftir að togveiðiskipið Huginn VE missti niður akkeri sem festist í lögninni á föstudagskvöld.
Neysluvatnslögnin til Vestmannaeyja varð fyrir skemmdum á föstudagskvöld. Togveiðiskipið Huginn VE missti niður akkeri sem festist í vatnslögninni. Atvikið telst alvarlegt þar sem vatnslögnin er eina flutningsæð neysluvatns til Vestmannaeyja.
Vatn skilar sér enn um lögnina til Vestmannaeyja en leki er á henni þar sem neysluvatn streymir út. Talsverðar skemmdir eru á um fimmtíu metra kafla.
Almannavarnanefnd Vestmannaeyja og fulltrúar HS Veitna funduðu um málið í dag. Þar kom fram að mikilvægt sé að ráðast sem fyrst í aðgerðir til að verja lögnina frekari skemmdum. Undirbúningur á slíkri aðgerð er þegar hafinn.
Íris Róbertsdóttir bæjarstjóri Vestmannaeyjabæjar er jafnframt formaður almannavarnanefndar bæjarins, hún segir að nefndin muni funda aftur strax á morgun þar sem fyrstu skerf vegna viðgerða verði útfærð nánar.
Heimild: Ruv.is
