Hafnarstjórn Þorlákshafnar óskar eftir tilboðum í verkið „Þorlákshöfn: Suðurvararbryggja – Endurbygging stálþils 2023“.
Helstu verkþættir eru:
· Steypa 61 akkerisplötu.
· Reka niður 130 tvöfaldar stálþilsplötur af gerð AZ 22-800
· Bolta stagbita innan á þilið og koma 61 stögum og akkerisplötum fyrir.
· Fylla upp innan við þil.
· Steypa kantbita með pollum og setja upp kanttré, stiga og þybbur.
Verkinu skal lokið eigi síðar en 1. maí 2024.
Tilboðsgögn eru aðgengileg og verða afhent í rafræna útboðskerfinu TendSign frá og með mánudeginu 12. júní 2023 og skal tilboðum skilað rafrænt í því útboðskerfi fyrir kl. 14:00 þriðjudaginn 27. júní 2023.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda og verðtilboð.
