Vegagerðin óskar eftir tilboðum í endurbyggingu á um 8,5 km kafla á Klofningsvegi í Dalabyggð. Um er að ræða endurbætur á núverandi vegi ásamt vegtenginga og frágangs.
Magntölur fyrir verkefnið:
- – Bergskering 20.000 m3
- – Fyllingar og fláafleygar 56.700 m3
- – Ræsalögn 560 m
- – Styrktarlag 16.800 m3
- – Burðarlag 9.100 m3
- – Tvöföld klæðing 55.900 m2
- – Vegrið 480 m
- – Reiðleið við hlið vegar 6.000 m2
- – Frágangur fláa 105.000 m2
Verkinu skal að fullu lokið eigi síðar en 15. ágúst 2024.
Útboðsgögn eru aðgengileg í rafræna útboðskerfinu TendSign frá og með föstudeginum 26. maí 2023 og skal tilboðum skilað rafrænt í því útboðskerfi fyrir kl. 14:00 þriðjudaginn 13. júní 2023.
Ekki verður haldin sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda í útboðinu og heildartilboðsupphæð.
