18.05.2023 Landsnet. Jarðvinna og lagning jarðstrengs við Rimakotslínu 2

Landsnet óskar eftir tilboðum í jarðvinnu og lagningu. Verkið felst í lagningu 36 km langs, 132 kV jarðstrengs, Rimakotslínu 2 (RI2), frá tengivirki við Hellu að tengivirki í Rimakoti.

<>

Meginmarkmið með lagningu Rimakotslínu 2 er að bæta afhendingaröryggi á Suðurlandi og tryggja að flutningskerfið standi ekki í vegi fyrir atvinnuuppbyggingu á svæðinu og tryggja framgang orkuskipta í landshlutanum. Þá er verkefnið mikilvægur áfangi í stefnu stjórnvalda um tvær tengingar til allra landshluta.

Rimakotslína 2, samanstendur af þremur 800 mm2 einleiðarastrengjum. Strengnum er skipt upp í 28 strenglengdir með 27 tengiholum fyrir samsetningu á streng. Strengkeflin eru samtals 84 talsins og er framkvæmdinni skipt í tvo áfanga, sá fyrri að leggja 21 km af strengleiðinni sumarið 2023 og seinni 15 km sumarið 2024.

Ráðgerðar framkvæmdir í þessu verki eru í höfuðatriðum eftirfarandi, þó ekki takmarkað við:
a. Vinnuöryggismál og umhverfismál, þar með talið öryggismerkingar við þjóðveg 1 og víðar.
b. Gerð verkáætlunar og aðgerðalýsinga (Method Statement)
c. Verkbú – aðstöðusköpun o.þ.h.
d. Gröftur skurða, losun klappar og brottflutningur efnis
e. Slóðagerð, þar sem við á
f. Gerð aðstöðuplana við tengiholur og þar sem strengir eru dregnir út
g. Vinna við þveranir, þ.á.m. borun eða múlun undir vegi og lagningu ídráttarröra
h. Þverun áa: með lagningu ídráttarröra í brýr, lagningu ídráttarröra á hjólabrú, lagningu ídráttarröra í árfarvegi
i. Flutningur, geymsla og förgun strengkefla
j. Flutningur annars efnis og búnaðar sem verkkaupi lánar til verksins
k. Útlögn jarðvírs
l. Útdráttur jarðstrengs (þriggja einleiðarastrengja) í strengskurð
m. Útlögn fjarskiptarörs
n. Útlögn hlífðarborða og viðvörunarborða
o. Útvegun strengsands, þ.m.t. ámokstur og flutningur
p. Söndun með strengsandi umhverfis strengi
q. Fylling í strengskurð
r. Vinna við krosstengibrunna og jarðtengibrunna
s. Vinna við fjarskiptabrunna
t. Merking strengleiðar með stikum
u. Lagfæring girðinga
v. Vinna við annað það sem þarf til þess að ljúka framkvæmdinni
w. Frágangur í verklok í samræmi við fyrirmæli verkgagna og umsjónarmanns verkkaupa.

Nánari upplýsingar fá finna á útboðsvef Landsnets, utbod.landsnet.is.