Home Fréttir Í fréttum Tvö tilboð bárust í risastórt verkefni í C-álmu Grundaskóla

Tvö tilboð bárust í risastórt verkefni í C-álmu Grundaskóla

375
0
Grundaskóli. Teikningar: Andrúm arkitektar

Á næstu misserum verða miklar framkvæmdir og endurbætur í elstu byggingu Grundaskóla – sem oft er kölluð C-álma.

<>
Hér má sjá yfirlitsmynd af Grundaskóla í núverandi mynd.

Akraneskaupstaður bauð út verkefnið nýverið og bárust aðeins tvö tilboð í verkið.

Kostnaðaráætlun Akraneskaupstaðar var upp á 1.213 milljónir kr.

Hér má sjá hvernig elsta bygging Grundaskóla mun líta út eftir breytingar. Horft frá vesturhlið.

Sjammi ehf. sem er fyrirtæki með aðsetur á Akranesi bauð rétt tæplega 1.390 milljónir kr. í verkefnið – sem er um 14% yfir kostnaðaráætlun.

Þverskurður af elstu byggingu Grundaskóla eftir breytingar. Horft frá suðurhlið.

E. Sigurðsson ehf. bauð rétt rúmlega 1.591 milljón kr. í verkefnið sem er rúmlega 31% yfir kostnaðaráætlun.

Hér má sjá hvernig efstu hæðir elstu byggingar Grundaskóla munu líta út eftir breytingar.

Skipulags og umhverfisráð samþykkti á fundi sínum nýverið að ganga í það verkefni að semja við lægstbjóðanda.

Heimild: Skagafrettir.is