Nú standa yfir viðamiklar endurbætur á skólabyggingu Verzlunarskóla Íslands þar sem húsið verður endursteinað með gráum tónum og öllum gluggum skipt út.
Þessar breytingar færa Verzlunarskólanum nýja ásýnd og meira flæði og tenging myndast við viðbyggingu skólans.
Um þessar mundir er verið að skipta um alla glugga. Hafa framkvæmdir gengið vel.
Verktaki við verkið er Og Synir / Ofurtólið ehf.
Skipt verður um alla glugga, andyrin endurnýjuð, húsið steinað að utan.
Nemendainngangurinn fær yfirhalningu með bættu aðgengi fyrir hreyfihamlaða ásamt notalegu útisvæði með bekkjum þar sem nemendur geta notið sólarinnar á góðviðrisdögum.
Aðalinngangur skólans fær einnig breytt útlit og að lokum verður útilýsing í kringum skólann bætt til muna.
Hér má sjá myndir hvernig skólabygging Verzlunarskóla Íslands kemur til með að líta út.
Heimild: Verslo.is
