Húsasmiðjan hefur sett sér metnaðarfull markmið um að draga úr losun gróðurhúsalofttegunda í allri starfsemi fyrirtækisins. Hluti af þeim markmiðum er að að skipta út jarðeldsneyti í bílaflota fyrirtækisins í umhverfisvæna orkugjafa.
„Við vinnum stöðugt að því að auka hlutfall grænna vara hjá fyrirtækinu enda sjáum við vaxandi eftirspurn eftir þeim hjá viðskiptavinum.
Við trúum því að séum að stíga stór og leiðandi skref í byggingargeiranum með orkuskiptum og auknum áherslum á umhverfismál,“ segir Emilía Borgþórsdóttir, verkefnisstjóri umhverfis- samfélagsmála hjá Húsasmiðjunni.
- Nýr rafmagnsvörubíll
- Kolefnispor timburs með því lægsta sem þekkist hér á landi
- Umhverfisvænar vörur aukist um 50%
Nýr rafmagnsvörubíll
Húsasmiðjan hefur nú fest kaup á nýrri rafknúinni Volvo vöruflutningabifreið frá Brimborg sem ganga mun fyrir rafmagni og er gert ráð fyrir að bifreiðin verði kominn í notkun snemma á næsta ári.
Hún verður með fyrstu rafmagnsvörubílum landsins. Það má gera ráð fyrir að þessi vöruflutningabifreið keyri um 2.000 km á mánuði að jafnaði og með því er komið í veg fyrir losun gróðurhúsalofttegunda upp á 1,3 tonn koltvísýringsígilda (CO2e) eða rúmlega 15 tonn á ári.
Kolefnisfótspor timburs aldrei verið lægra
Með nýju timbursölunni við Kjalarvog hefur fyrirtækið náð að minnka heildar kolefnisfótspor timburs afhent á byggingarstaði á höfuðborgarsvæðinu enn frekar þar sem timbrinu er ekið beint úr skipi við uppskipunarhöfn í vöruhús og timbursölu með rafmagnslyfturum, þaðan sem timbrið fer svo í flestum tilvikum beint til viðskiptavina en ekki á millilagera.
Húsasmiðjan stefnir að því að megnið af flutningum á timbri innanlands verði með flutningabílum sem ganga fyrir rafmagni.
Allt timbur sem selt er í Húsasmiðjunni er FSC og PEFC vottað sem þýðir að það kemur úr sjálfbærum skógum þar sem vist- og lífkerfi skógarins er gætt. Með þessu móti verður kolefnisfótspor timburs frá Húsasmiðjunni með því lægsta sem þekkist hér á landi.
Grænar vörur í sífelldri aukningu
Árið 2021 jukust vörur sem falla undir skilgreininguna grænar vörur og seldar eru í Húsasmiðjunni um tæp 50% eða úr 2.500 í 3.700. Þessar vörur eru sérstaklega vottaðar með viðurkenndum vottunum eins og Svaninum, Evrópublóminu og Bláa englinum.
Heimild: Visir.is
