Verktaki skal fjarlægja steypta sökkulveggi og gólfplötu á suðurhluta svæðisins eins og verkkaupi óskar eftir. Fjarlægja skal umframefni þar sem þess er þörf og losa það innan lóða á svæðinu í samráði við verkkaupa.
Grafa þarf fyrir, leggja og tengja niðurfallalagnir og setja niðurföll í réttar hæðir. Gert er ráð fyrir einu niðurfalli í lágpunkt hverrar götu. Þegar götur hafa verið settar í rétta hæð skal leggja út 50 mm jöfnunarlag og þjappa það vel.
Inn á lóðir skal losa og setja í réttar hæðir mold eða annað lífrænt fyllingarefni sem verkkaupi samþykkir en verkkaupi mun síðan sá grasfræi í þessi lóðarsvæði að verki loknu.
Verktími er frá samþykki töku tilboðs til 31. október 2022.
Hægt er að nálgast útboðsgögn rafrænt á netfangið armann@fjallabyggd.is
Tilboði skal skila á skrifstofu Fjallabyggðar Gránugötu 24, Siglufirði, í lokuðu umslagi sem sýni nafn bjóðanda, merktu:
“Óskarsbryggja, Siglufirði – Frágangur yfirborðs” eigi síðar en kl 14:00 þann 8.8. 2022.
Opnunartími tilboða: Mánudaginn 8. ágúst 2022 kl. 14:00 á skrifstofu Fjallabyggðar.
