Umhverfis- og mannvirkjasvið Akureyrarbæjar óskar eftir tilboðum í endurbætur á A-álmu og viðbyggingu við tengigang í Glerárskóla á Akureyri.
Um er að ræða heildarendurbætur á um 1.450 fermetrum og viðbygging við tengigang um 160 fermetrar ásamt þaki og þakrými, verkið nær einnig til inngarða beggja megin við álmuna sem er um 600 fermetrar.
Framkvæmdatíminn er frá undirskrift samnings til júní 2024.
Útboðsgögn verða afhent á rafrænu formi á útboðsvef Akureyrarbæjar, frá og með 20. júní 2022.
Tilboðum skal skila rafrænt á útboðsvef Akureyrarbæjar fyrir kl. 11.00 fimmtudaginn 28. júlí 2022 og verða tilboð opnuð á sama tíma að viðstöddum þeim bjóðendum sem þess óska.
