Home Á döfinni Fyrirhugaðar opnanir útboða 22.06.2022 Hlemmur og nágrenni – 1. áfangi: Laugavegur. Torg, yfirborðsfrágangur og...

22.06.2022 Hlemmur og nágrenni – 1. áfangi: Laugavegur. Torg, yfirborðsfrágangur og lagnir

96
0
Mynd úr kynningarefni af væntanlegu Hlemmsvæði. Ljósmynd/Reykjavíkurborg

F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:

Hlemmur og nágrenni – 1. áfangi: Laugavegur. Torg, yfirborðsfrágangur og lagnir, útboð 15570

Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 14:00 þann 8. júní  2022.

Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.

Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 22. júní 2022.

Áætluð verklok: 16. desember 2022.    

Lauslegt yfirlit yfir verkið: 
Framkvæmdin felur í endurnýjun götuhluta Laugavegs sem liggur frá Hlemmi að Snorrabraut í samræmi við framkvæmdamörk á yfirlitsteikningu.

Núverandi fráveitulögn verður endurnýjuð með tvöföldu kerfi regnvatns- og skolps. Fyrirliggjandi heimæðar og niðurföll verða tengd nýja kerfinu auk nýrra svelgja í regnbeðum. Hluti hitaveitulagna í götustæði verða endurnýjaðar.

Samfara endurnýjun lagna verður götukassi endurnýjaður að fullu með fullnaðarfrágangi undirbyggingar í samræmi við snið,  gróðurbeðum blágrænna lausna, nýrri hellulögn í gang- og götustæði ásamt nýju snjóbræðslukerfi undir hellulögn.

Gengið verður að fullu frá fæðistrengjum rafmagns í jörðu og verða þeir tengdir bráðabirgðar götulýsingu. Uppsetning og fullnaðarfrágangur endanlegrar götulýsingar er ekki hluti þessa útboðs.

Verkið felst í megindráttum í eftirfarandi:

  • Upprif og förgun á malbiki og kantsteini núverandi götu
  • Upprif og förgun á núverandi hellulögn
  • Uppgreftri og jarðvegsskiptum
  • Fullnaðarfrágangur fyllinga undir götu og gangstéttar
  • Fullnaðarfrágangur fráveitu, hluta hitaveitu og raflagna
  • Fullnaðarfrágangur hellulagnar og kantsteina
  • Fullnaðarfrágangur blágrænna beða
  • Tímabundinn frágangur á götulýsingu með bráðabirgðastaurum í undirstöðum á yfirborði.

Helstu magntölur eru:

  • Sögun malbiks                                                25 m
  • Upprif hellna                                                 440 m2
  • Upprif malbiks                                               570 m2
  • Upprif á kantsteini 1                                        40 m
  • Götur- og gangstéttar – Uppgröftur                 870 m3
  • Götur- og gangstéttar – Malarfylling                600 m3
  • Jöfnunarlag (púkkmulningur)                          950 m2
  • Malbik                                                            50 m2
  • Snjóbræðsla                                                3750 m
  • Steypt mannvirki                                             22 m2
  • Lagnir- Uppgröftur                                         790 m3
  • Lagnir- Fylling                                               525 m3
  • Lagnir – Losun klappar                                    25 m3
  • Fráveitulagnir                                               185 m
  • Svelgir                                                           7 stk
  • Hitaveitulagnir                                              240 m
  • Jarðstrengir                                                  120 m
  • Fjölpípurör                                                     65 m
  • Hellulögn                                                   1000 m2
  • Náttúrusteinn                                                56 m2
  • Plöntur                                                        155 stk
Previous article07.07.2022 Miðborgarleiksskóli og miðstöð barna. Umsjón og eftirlit
Next article22.06.2022 Austurheiðar útivistarsvæði 2022 – Áfangi 1