Kópavogsbær óskar eftir tilboðum í verkið:
Kársnesskóli Þinghóli, loftræsting og lagnir í vesturbyggingu.
Verkið felst í að endurnýja núverandi loftræstingu í vesturálmu Þinghólsskóla. Núverandi loftræsting er frá því að skólinn var byggður og verður lögð af.
Verklýsingin tekur í mörgu mið af endurnýjun fyrri áfanga í austur álmu Þinghólsskóla, enda var gert ráð fyrir við hönnun austurálmu að vesturálma skólans kæmi í beinu framhaldi.
Er það ástæða þess að verkkaupi leggur til verksins eftirfarandi efni sem búið var að kaupa og setja upp fyrir endurnýjun á vesturálmu skólans.
Um er að ræða loftræstisamstæðu ásamt inntaks og frákast þakháfum sem búið er að staðsetja og setja upp. Einnig mun verkkaupi afhenda til uppsetningar inná stokkalagnir eftirhitaflöt og inntaks- og frákastlokur.
Búið er að koma loftræstisamstæðu fyrir í köldu rými en leggja á loftræstilagnir í kennslustofur á fyrstu og annarri hæð vesturbyggingar.
Rétt er að geta þess að aðgangur að risrými er í gegnum gat í steyptri loftaplötu stærð 1000x1600mm.
Bjóðendur skili inn tilboðsskrá rafrænt inn í TendSign útboðskerfið fyrir kl. 11:00 mánudaginn 30.maí 2022.
Opnun tilboða fer fram með rafrænum hætti í TendSign útboðskerfinu og verður opnunarskýrsla send öllum bjóðendum eftir opnun tilboða.
