Landsvirkjun óskar eftir tilboðum í byggingarvinnu við stækkun Búrfellsvirkjunar samkvæmt útboðsgögnum nr. 20198.
Helstu verkþættir eru eftirfarandi:
Aðrennslisskurður
Um er að ræða gröft á um 400 m löngum aðrennslisskurði.
Helstu magntölur eru áætlaðar:
Laus gröftur 16 000 m³
Sprengigröftur 79 000 m³
Sprautusteypa 1 000 m³
Inntaksmannvirki
Verkþátturinn fellst í byggingu inntaksmannvirkis ásamt stjórnhúsi og undirstöðum fyrir spenna.
Helstu magntölur eru áætlaðar:
Sprengigröftur 3 000 m³
Mót 2 500 m2
Bendistál 176 000 kg
Steinsteypa 2 500 m³
Jarðgangagerð
Verkhlutinn fellst í að sprengja og styrkja 65 m langt stöðvarhús neðanjarðar, 270 m löng aðkomugöng og 440 m löng skeifulaga frárennslisgöng. Einnig fellst í verkefninu borun 120 m lóðréttra, hringlaga þrýstiganga með þvermál 5,9 m og 110 m lóðréttra hringlaga strengganga með þvermál 4,6 m.
Helstu magntölur eru áætlaðar:
Laus gröftur 5 000 m³
Sprengigröftur 9 000 m³
Gangagröftur 99 000 m3
Sprautusteypa 4 100 m³
Stöðvarhús
Verkþátturinn felst í uppsteypu og frágangi á stöðvarhúsi neðanjarðar ásamt anddyri aðkomuganga. Aðrir verkþættir eru m.a. útvegun og uppsetning á öllum húskerfum auk gerð aðkomuvega, landmótun og lóðafrágangur.
Helstu magntölur eru áætlaðar:
Mót 7 100 m2
Bendistál 670 000 kg
Steinsteypa 9 400 m³
Frárennslisskurður
Verkhlutinn felst í greftri á um 2,2 km löngum frárennslisskurði.
Helstu magntölur eru áætlaðar:
Gröftur 631 000 m³
Sprengigröftur 74 000 m³
Sprautusteypa 1 000 m³
Framkvæmdum skal að fullu lokið haustið 2018.
Tilboðum skal skila til Landsvirkjunar, Háaleitisbraut 68, 103 Reykjavík,
fyrir klukkan 12:00 fimmtudaginn 21. janúar 2016 þar sem þau verða opnuð kl. 14:00 sama dag og lesin upp að viðstöddum þeim bjóðendum sem þess óska.
