Seðlabankinn hækkaði stýrivexti í gær í þriðja sinn á þessu ári. Þeir hafa ekki áhrif á lán með föstum vöxtum en áhrifin eru töluverð á óverðtryggð húsnæðislán með breytilegum vöxtum. Tökum dæmi af slíku fimmtán milljóna króna láni.
Áður en Seðlabankinn byrjaði að hækka vexti í júní var greiðslubyrðin af slíku láni 75 þúsund krónur á mánuði. Við hálfs prósentustigs hækkun í júní hækkaði greiðslubyrði lánsins í rúmlega 81 þúsund krónur.
Í ágúst hækkuðu vextir aftur um hálft prósentustig og þá var greiðslubyrðin orðin 87.500 krónur. Og ef vextir slíkra lána fylgja stýrivöxtum áfram fer greiðslubyrðin vegna vaxtahækkunar gærdagsins upp í 90.625 krónur á mánuði.
Samtal hækkar því greiðslubyrði þessa láns um 15.625 krónur á mánuði, eða um rúmlega þúsund krónur á hverja milljón lánsins.
Heimild: Rúv.is
