Umhverfis- og framkvæmdasvið Hafnarfjarðar óskar eftir tilboðum verktaka í uppbyggingu 4. hæðar Suðurgötu 41 í Hafnarfirði.
Verkhluti (starfsgrein) er:
- Trésmíðar
Á vegum verktaka skal vera húsasmíðameistari, með löggildingu iðnmeistara skv. lögum um mannvirki nr. 160/2010, skipulags- og byggingarlögum nr. 73/1997 og byggingarlögum nr. 54/1978.
Á vegum verkkaupa er byggingarstjóri vegna uppbyggingar á 4. hæð.
Á sama tíma og verkið stendur yfir verða framkvæmdir í gangi á 1. og 3. hæð. Auk þess verða píparar, rafvirkjar, blikkarar, málarar og mögulega fleiri iðnaðarmenn á vegum verkkaupa að störfum á 4. hæð á sama tíma.
Tilboðum skal skilað 13. september 2021. Verkinu skal að fullu lokið eigi síðar en 10. desember 2021.
Útboðsgögn verða send rafrænt til þeirra aðila sem eftir því óska með því að senda beiðni á netfangið utbod@vsb.is.
Í beiðni skal koma fram nafn lögaðila og tengiliðar hans, símanúmer og að auki netfang vegna samskipta ef það er annað en beiðnin er send frá.
