15.07.2021 Leikskólinn Ársalir – Viðbygging 2021

Stoð ehf. verkfræðistofa, fyrir hönd Sveitarfélagsins Skagafjarðar, óskar eftir tilboðum í verkið LEIKSKÓLINN ÁRSALIR – VIÐBYGGING 2021 nr. 416401.

<>

Í verkinu felst hönnun séruppdrátta (burðarvirki, lagnir, raflagnir, loftræsilagnir og verkteikningar) skv. meðfylgjandi útboðsgögnum og bygging færanlegra leikskólastofa í tveimur áföngum með anddyri og skrifstofum fullklárað að innan og utan og tilbúið til tengingar við veitukerfi sem þarf til að koma húsi í samþykkta notkun.

Í húsinu þarf að gæta þess að kröfur um öryggi, hljóðvist, loftgæði og stífleika sé fullnægt sem gerðar eru til leikskóla og mannvirkja skv. byggingarreglugerð nr. 112/2012 með áorðnum breytingum, lögum um mannvirki nr. 160/2010 og öðrum lögum, reglugerðum og leiðbeiningum sem lúta að byggingum fyrir leikskóla.

Bygging verður staðsett norðan við núv. leikskóla á Árkíl 2, Sauðárkróki og mun tengjast með tengibyggingu sem byggð verður á staðnum að sal núv. leikskóla um nýtt sagað gat í útvegg. Bygging verður lögð á forsteypta sökkulbita sem eru ekki hluti af þessu útboði.

Aðgengi að og í byggingu skal vera skv. kröfum um aðgengi fyrir alla skv. kafla 6 í byggingarreglugerð nr. 112/2012 með áorðnum breytingum og leiðbeiningarblöðum HMS.

Hús skal vera fullinnréttað við afhendingu. Útfærsla á burðarvirki mannvirkis er valkvæð svo lengi sem það stenst kröfur byggingarreglugerðar og þeirra kvaða sem skilgreindar eru í lögum, reglugerðum og leiðbeiningum.

Hús má vera einingahús, uppbyggt hús á verkstæði/athafnasvæði verktaka, flutt á verkstað og reist á sökkuleiningum, svo lengi sem afhendingartími stenst miðað við útboðslýsingu.

Ekki er boðið upp á að byggja upp hús á verkstað frá grunni til að minnka verktíma, ónæði og hávaða á verksvæði að nærliggjandi leikskólabyggingu.

416401 Ársalir-Viðbygging 2021 – Útboðslýsing-1

416401AM Ársalir viðbygging – Aðaluppdráttur – 10.06.2021