Undanfarnar vikur hafa staðið yfir framkvæmdir við heilsugæslustöð HVE í Ólafsvík. Skipt hefur verið um og lengt þak ásamt því að þakkanti er breytt þannig að hann er lengdur og klæddur með áli.
Settar verða nýjar rennur og skipt um þá glugga sem þarf ásamt því að húsið sjálft verður málað. Undanfarin ár hefur orðið vart við leka í gegnum steinsteyptan þakkant á húsinu en aldrei eins mikinn og á síðasta ári og því nauðsynlegt að koma fyrir lekann.
Það er byggingaverktakinn K16 ehf sem sér um verkið en sama fyrirtæki er einnig með verkefni fyrir HVE á Akranesi.
Heimild: Skessuhorn.is
