Hagar stefna á að taka nýtt vöruhús í notkun í nóvember á þessu ári. Húsið mun standa við Korngarða í Sundahöfn og er ætlað að geyma kæli- og frystivörur félagsins, en það verður sambyggt vöruhúsi Banana, dótturfélags Haga, sem er á næstu lóð.
Að því er fram kemur í ársuppgjöri Haga verður húsið 4.440 fermetrar að stærð og á að spara félaginu leigugreiðslur um um það bil 50 milljónir króna á ári, frá og með næsta rekstrarári.
Í uppgjörinu er einnig bent á að starfsemi vöruhúsa félagsins hafi verið einfölduð. Aðföng hafi tekið yfir vöruhúsastarfsemi Olís og auk þess rekstur Hýsingar og Ferskra kjötvara.
Heimild: Mbl.is
