F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Hlíðarendi – Yfirborðsfrágangur, EES útboð nr. 14741.
Verkið felst í að ganga frá yfirborði í nýju íbúahverfi á Hlíðarenda ásamt því að ganga frá lögnum og strengjum veitufyrirtækja.
Meðal verkliða eru jarðvinna fyrir heimlögnum vatnsveitu, hitaveitu, rafveitu, fjarskiptalögnum, gróðurbeðum og ljósastaurum. Lagning og frágangur fráveitulagna, vatnsveitulagna, hitaveitulagna, rafstrengja, heimlagna fjarskiptafyrirtækja, snjóbræðslulagna og götuljósastrengja.
Einnig útjöfnun fyllingar og frágangur undir malbik og hellulögn með púkkmulningi ásamt malbikun gatna og stíga. Í verkinu skal einnig leggja sérsteyptan kantstein, hellulögn, ganga frá gróðurbeðum, götugögnum og reisa ljósastaura. Breyta skal gatnamótum Nauthólsvegar og Arnarhlíðar, færa umferðarljósastólpa, setja yfirborðsmerkingar á götur og stíga ásamt því að setja upp umferðarmerki.
Útboðsgögn verða aðgengileg á útboðsvef Reykjavíkurborgar frá kl. 13:00 þann 18. febrúar 2020, á vefslóðinni: http://utbod.reykjavik.is
Nýskráning fyrirtækja hefst með því að smella “Nýskráning“.
Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 9. mars 2020.
Ekki verður haldinn formlegur opnunarfundur, nema að bjóðendur óski sérstaklega eftir því. Beiðni verður að hafa borist innkaupaskrifstofu 2 virkum dögum fyrir opnun tilboða, á netfangið utbod@reykjavik.is
