Þessi mynd er í Morgunblaðinu í morgun. Hún var tekin síðdegis í gær. Allir sitja fastir í umferðinni á leið heim úr vinnunni.
Þrátt fyrir þetta ástand ætla skipulagsyfirvöld að auka atvinnuhúsnæði á Landspítalalóðinni, hægra megin á myndinni, um meira en 200.000 fermetra án neinna teljandi úrbóta í gatnakerfinu.
Vissulega eru áform um Borgarlínu þarna, en hún verður þá full af farþegum í aðra áttina.
Svo á “Fluglestin” að enda þarna. Og þar sem hún endar þarf að vera aðstaða fyrir þúsundir bílaleigubíla og bíla þeirra sem hyggjast taka fluglestina til Keflavíkur. Allir þeir bílar þurfa á götum að halda. Þarf ekki að ræða þetta allt og skoða betur?
Heimild: Facebooksíða Hilmar Þór Björnsson arkitekt
.
