Verktakafélagið Sveinbjörn Sigurðsson hf., betur þekkt sem SS verktaki, hefur nú verið lýst gjaldþrota samkvæmt heimildum Viðskiptablaðsins. Fyrirtækið hefur verið starfrækt í meira en sjötíu ár.
Sveinbjörn Sigurðsson byggingameistari stofnaði fyrirtækið árið 1942, en SS verktaki hefur meðal annars komið að byggingu Dvalarheimilis aldraðra sjómanna við Hrafnistu, Fjölskyldu- og húsdýragarðsins í Laugardal auk Borgarleikhússins.
Sveinbjörn, stofnandi félagsins, dró sig í hlé árið 1990 en þrír synir hans tóku þá við rekstri SS verktaka. Mikill rekstrarvandi hefur verið hjá félaginu um nokkurt skeið, sem leiddi svo til gjaldþrotsins.
Heimild: Vb.is
