Útboð:
Hafnarfjarðarbær býður út gatnagerð og lagnir í Kapelluhrauni
Hafnarfjarðarbær hefur auglýst útboð vegna framkvæmdarinnar „Kapelluhraun 2. áfangi – Gullhella og Málmhella“.
Verkið felur í sér gatnagerð ásamt lagningu fráveitu- og neysluvatnslagna á nýju iðnaðarsvæði í Kapelluhrauni í Hafnarfirði.
Framhald af uppbyggingu iðnaðarsvæðis í Kapelluhrauni
Kapelluhraun 2. áfangi er framhald af eldra iðnaðarsvæði í Hafnarfirði og afmarkast meðal annars af akstursíþrótta- og skotæfingasvæði í suðri, fyrri áfanga Kapelluhrauns í norðri og ósnortnu hrauni í vestri.
Framkvæmdin er hluti af áframhaldandi uppbyggingu atvinnu- og iðnaðarsvæða í Hafnarfirði.
Umfangsmiklar framkvæmdir við götur og lagnir
Helstu magntölur verkefnisins eru:
- Lengd gatna: 1.210 metrar
- Uppúrtekt úr götum: 9.450 m³
- Losun klappar í götustæði: 2.250 m³
- Losun klappar í skurðstæði: 11.290 m³
- Styrktarlag: 10.750 m³
- Fyllingar: 4.200 m³
- Malbik: 19.315 m²
- Fráveitulagnir: 2.075 metrar
- Neysluvatnslagnir: 1.090 metrar
Samkvæmt útboðslýsingu eiga verklok að vera 15. nóvember 2026.
Tilboð opnuð í júní
Útboðsgögn eru rafræn og aðgengileg í útboðskerfinu NTI Bidco frá og með 18. maí 2026.
Tilboð skulu berast fyrir klukkan 10:55 miðvikudaginn 2. júní 2026 og verða tilboðin opnuð rafrænt sama dag klukkan 11:00.
