Dagur B. Eggertsson borgarstjóri og Guðmundur Hallvarðsson, formaður Sjómannadagsráðs, undirrituðu í dag samninga og viljayfirlýsingu um byggingu og rekstur nýs hjúkrunarheimilis, þjónustumiðstöðvar og leiguíbúða fyrir 99 eldri borgara við Sléttuveg í Fossvogsdal.
Stefnt er að því að framkvæmdir hefjist í ár og hjúkrunarheimilið taki til starfa seinni hluta árs 2019. Reykjavíkurborg og ríkið reisa hjúkrunarheimilið í sameiningu en Sjómannadagsráð sér um rekstur þess, samkvæmt viljayfirlýsingu sem Dagur og Guðmundur undirrituðu í dag.
Heimild: Ruv.is
