Home Fréttir Í fréttum Fsr stefnir að því að bjóða út framkvæmdir við endurgerð húss 5...

Fsr stefnir að því að bjóða út framkvæmdir við endurgerð húss 5 á Þjóðskjalasafni Íslands

58
0
Þjóðskjalasafn Íslands, hús 5

Framkvæmdasýsla ríkisins stefnir að því að bjóða út framkvæmdir við endurgerð húss 5 á Þjóðskjalasafni Íslands í lok mars eða byrjun apríl.

Þjóðskjalasafnið hefur yfir að ráða fimm fasteignum við Laugaveg og eina við Brautarholt. Ráðast á í endurbætur á svokölluðu húsi fimm, sem snýr upp að Brautarholti.

Húsnæðið er um 2.063 fermetrar að stærð og krefst fasteignin mikils viðhalds, að innan sem utan. Um er að ræða heildarviðgerð á húsinu og er áætlaður heildarkostnaður vegna verkefnisins  390 milljónir króna.

Um þessar mundir er unnið að því að ljúka við gerð útboðsgagna. Reiknað er með að framkvæmdir hefjist í maí og að vinnan við þær og uppsetningu búnaðar taki 18 mánuði.
Þegar framkvæmdir eru hafnar verða sérhæfðir geymsluskápar fyrir skjöl sem stofnunin varðveitir boðnir út.

Previous article12.600 manna hverfi við Elliðaár­vog og á Ártúns­höfða
Next article„Frárennslismál við Mývatn eru í lamasessi“