Mosfellsbær og Afltak ehf. hafa undirritað verksamning um framkvæmdir við vesturálmu Varmárskóla.
Framkvæmdirnar fela í sér endurnýjun rýma í vesturálmu, þar sem meðal annars verða heimilisfræðistofa, tónlistarstofa, sérkennslustofa og ein almenn kennslustofa endurbyggðar frá grunni ásamt göngum og stoðrýmum. Með verkefninu er stefnt að því að bæta vinnu- og námsaðstæður nemenda og starfsfólks, sérstaklega hvað aðbúnað varðar.
Gert er ráð fyrir að rýmið verði tilbúið til notkunar í upphafi næsta skólaárs.
Verktaki framkvæmdanna er Afltak ehf. Byggingarstjórn og eftirlit er í höndum JTV ehf. Hönnun verksins er unnin af Gláma Kím ehf. en Pascal ehf. sér um lagna- og loftræsihönnun. Raflagna- og hljóðvistarhönnun er á ábyrgð Lota ehf. og burðarþolshönnun er í höndum Exanordic ehf.
Heimild: Mosfellsbær
