Fasteignafélag Árborgar slf óskar eftir tilboðum í:
„Leikskólinn Jötunheimar viðbygging – byggingastjóri og framkvæmdaeftirlit“
Verkið felst í byggingarstjórnun og framkvæmdaeftirliti við byggingu u.þ.b. 1.100 fermetra viðbyggingar á leikskólabyggingu sem inniheldur 6 deilda leikskóla í Sveitarfélaginu Árborg.
Forsendur verkefnisins eru að byggja viðbyggingu við fyrirliggjandi Leikskólann Jötunheima að Norðurhólum 3 á Selfossi, ásamt að framkvæma ýmsar minniháttar breytingar í eldri byggingu.
Í fyrri áfanga leikskólans var byggður 6 deilda leikskóli sem var tekinn í notkun 2007.
Í þessum áfanga er gert ráð fyrir viðbyggingu til suð-vesturs. Í viðbyggingu er gert ráð fyrir rýmum sem samanstanda af tengigangi, fataklefum, heimasvæðum deilda, hvíldarherbergjum, leikherbergjum, salernum, geymslum, sal, aðstöðu kennara og stjórnendarými, kaffistofu, listasmiðjum, göngum, tæknirými, anddyri og fatahengi.
Um er að ræða eins hæða staðsteypta byggingu. Byggingin er einangruð að utan og klædd með vandaðri Steni klæðningu.
Verktími: Mars 2026 til ágúst 2027
Tilboðum skal skila rafrænt í útboðskerfinu AjourTender
Útboðsgögn verða afhent á útboðvef sem er aðgengilegur hér:
Tilboð skulu sett fram með þeim hætti sem sett er fram í útboðskerfinu og í samræmi við skilmála útboðs og hlaða upp þeim skrám sem gerð er krafa um.
Bjóðandi fær staðfestingarpóst þegar hann hefur skilað tilboði. Ef enginn póstur berst, hefur afhending ekki tekist. Bjóðendur skulu í þeim tilfellum leita til Ajour þjónustuaðila án tafar í síma 519-1777.
Bjóðandi ber ábyrgð á að tilboð berist á réttum tíma og eru bjóðendur hvattir til að hefja tímanlega vinnu við að skila tilboðsgögnum inn.
Skilafrestur tilboða er til kl. 11:00 miðvikudaginn 14. janúar 2026.
Opnun tilboða verður framkvæmd með rafrænum hætti á útboðsvefnum eftir að skilafrestur tilboða er liðinn. Bjóðendum verður því ekki boðið að mæta á opnunarfund, í kjölfar opnunar tilboða verður bjóðendum sent opnunaryfirlit rafrænt.
