Framkvæmdir við uppsteypu á rannsóknahúsinu hafa gengið vel í sumar.
Þessa dagana er unnið við að slá upp mótum þakplötunnar og ljúka þannig uppsteypu hússins.
Uppsetning stálvirkja í húsinu fer fram samhliða uppsteypu og vinna er í fullum gangi við tengiganga, sem munu tengja rannsóknahúsið við aðrar byggingar, þar á meðal bílastæða- og tæknihús, Meðferðarkjarna og hús Heilbrigðisvísindasviðs.
Reiknað er með að uppsteypu ljúki á haustmánuðum að sögn Árna Kristjánssonar staðarverkfræðings NLSH.
Heimild: NLSH.is
