Vegagerðin hefst í sumar að styrkja, breikka og klæða 7,5 km kafla Hagabrautar (veg 286) frá Landvegi að Reiðholti. Þessi umtalsverða viðgerð miðar að því að bregðast við vaxandi kröfum um bættar samgöngur og aukið öryggi á svæðinu. Talsverð byggð er við veginn, bæði íbúabyggð og sumarhúsabyggð auk þess sem skólabíll ekur þessa leið.
Vegurinn er í dag 5 til 6 metra breiður malarvegur en hann verður breikkaður í 6,5 metra. Bundna slitlagið verður 6,3 m breitt og malaaxlir 10 cm til hvorrar hliðar. Einnig verða endurnýjuð ræsi á leiðinni. Vegurinn verður þannig hærri og aðeins breiðari en núverandi vegur, með bundnu slitlagi, bættum sjónlengdum og öruggum hliðarsvæðum. Ekki er um styttingu að ræða heldur fyrst og fremst vegabætur til að auka umferðaröryggi.
Framkvæmdir hófust í júní með undirbúningi efnisvinnslu og voru útboð haldin í mars–apríl. Alls bárust átta tilboð en samið var við lægstbjóðanda, Þjótanda ehf. á Hellu, sem bauð tæpar 294 milljónir króna í verkið sem var um 66 milljónum undir áætluðum verktakakostnaði.
Markmið framkvæmdarinnar er að bæta vegasamgöngur á svæðinu, auka umferðaröryggi íbúa og annarra vegfarenda á Hagabraut og stuðla að greiðari samgöngum í Rangárþingi ytra. Gert er ráð fyrir að verkinu verði lokið í lok sumars 2026.
Heimild: Dfs.is
